Ayiti / Ekonomi: Pou mwa mas la, ladwàn anonse li antre 3 fwa plis pase resèt anvan yo, swa 11 milya goud

Ayiti / Ekonomi: Pou mwa mas la, ladwàn anonse li antre 3 fwa plis pase resèt anvan yo, swa 11 milya goud

1 minute, 2 seconds Read

Administrasyon Jeneral Dwàn (AGD) peyi Ayiti, anonse li kolekte nan tout biwo ki gen nan peyi a yon resèt nè ki evalye a 11 768 393 830.2 goud pou sèlman mwa mas 2023 a, yon resèt ki kapab egal a 3 fwa sa Ladwàn te konn antre nan tan pase yo.

Pèsepsyon dwanye sou pwodui enpòtasyon pou mwa mas 2023 a ogmante, anviwon 3 milya goud ajoute parapò a mwa fevriye, ki te evalye a 8 152 921 851.19 goud.

Pou Direktè jeneral aktyèl la ki se Julecène Edouard, se yon nouvo rekò pèfòmans pou Administrasyon l ap dirije a, ki siperyè parapò ak resèt Administrasyon Romell Bell la, ki te sèlman 3,7 milya goud nan mwa mas ane pase (2022).

Yon lòt kote, Deus Deroneth, nan yon video, mande Administrasyon Julecene nan, èske nouvo rekò sa a ta vle di zam, koli ilegal k ap antre sou teritwa a kontwole ?

Sitwayen yo ki enpasyan, fè konnen y ap tann prezantasyon nouvèl done yo pou mwa avril 2023 a, ki pratikman dwe pote plis resèt, puiske administrasyon ki la a fè konnen y ap travay danble pou pèmèt Ladwàn reprann eskanp figi l fas ak lòt enstitisyon yo.

Washington FLORVIL, Centre à la UNE.

Lot atik