Ayiti koripsyon: Aprè Kanada, depateman trezò Ameriken sanksyone ansyen depite Garry Bodeau

0 minutes, 55 seconds Read

Biwo ki la pou kontwole sa sitwayen yo posede (OFAC) ki nan depateman trezò Ameriken, anonse mèkredi 5 avril 2023 a yo sanksyone ansyen prezidan chanm depite Ayiti a, Garry Bodeau, pou divès zak koripsyon.

Nan kominike sila depateman trezò Ameriken mete deyò a, yo fè konnen yo pran desizyon sila suivan dekrè egzekitif (EO) 13818 ki genyen pou wè ak lwa mondyal Magnitsky ki regle vyolasyon dwa moun ak koripsyon nan mond lan.

Selon otorite Amerikèn yo, an 2019, ansyen prezidan 50èm legislati Ayisyèn nan ta distribiye ant 500 a 600 milyon goud bay rès kolèg depite yo, pou vote ratifikasyon yon kabinè ministeryèl.

Selon yon sous jounal Centre à la UNE kontakte, ratifikasyon sa a depateman trezò Ameriken pa t vle site non an, ta genyen pou wè ak ansyen premye minis deziye Fritz Williams Michel.

N ap note, ansyen depite Garry Bodeau gouvènman kanadyen an te deja sanksyone nan mwa novanb 2022 a, epi depatman trezò peyi Lèzetazini sanksyone mèkredi 4 avril 2023, genyen byen li yo k ap sou kontwòl otorite Amerikèn yo Ozetazini.

Sadrax Ulysse, Centre à la UNE.

Lot atik