Bandi baz krache dife asasine epi boule polisye Steevenson Louis

0 minutes, 44 seconds Read
Bandi baz krache dife asasine epi boule polisye Steevenson Louis

Bandi nan baz Krache Dife touye epi boule Polisye Louis Stevenson madi 20 desanm 2022 a nan ri pave Pòtoprens touprè Bank Repiblik Ayiti. Se responsab sendika polis la Lionel Lazare ki konfime nouvèl la.

Responsab synapoha fè konnen se pandan polisye Steevenson t ap soti pran yon kòb nan bank lan epi bandi yo poze lapat sou li. Li fè konnen se bandi krache dife yo menm ki revandike zak sila.

PIBLISITE PEYE

Sendikalis k ap defann polisye yo Lionel Lazare kontinye li di Sendika polis la te ekri Direktè Jeneral polis Nasyonal Ayiti a, Frantz Elbé ak Premye Minis Ariel Henry 15 novanm pase a pou atire atansyon yo sou koze sa a, men anyen pa janm fèt.

N ap fè remake nan 2 jou deja genyen 2 polisye ki asasine. Steevenson Louis vin alonje lis polis ki assasine pou ane 2022 a fè li vin pase a 54.

Lot atik