Etazini sanksyone Rony Célestin ak Hervé Fourcand pou trafik dwòg ak koripsyon

1 minute, 29 seconds Read
Etazini sanksyone Rony Célestin ak Hervé Fourcand pou trafik dwòg ak koripsyon

Depatman trezò ameriken tabli sanksyon kont Rony Célestin ak Hervé Fourcand pou trafik dwòg ak koripsyon vandredi 2 desanm 2022 a.

Depatman deta ameriken a travè OFAC ki se 《office of foreign assets control 》tabli sanksyon kont Rony Célestin ak Richard Lénine Hervé Fourcand selon dekrè ( EO 14059 ) ki tabli divès sanksyon ki elijib kont etranje ki enplike nan trafik dwòg ak koripsyon.

Nan demach kominote entènasyonal la, ap mennen pou kwape koripsyon ak trafik dwòg nan mond lan, dènye tan sa yo Ayiti se kote yo sanksyone divès pèsonalite politik pou enplikasyon prezime yo nan trafik dwòg ak koripsyon, se ka aktyèl Sénatè depatman Sant lan Rony Célestin ak ansyen senatè Sid lan, Hervé Fourcand ki tonbe sou sanksyon depatman deta ameriken pou koze trafik dwòg ak koripsyon.

PIBLISITE PEYE

Selon otorite amerikèn yo senatè Rony Célestin gen abitid pratike trafik dwòg ant peyi Venezyela ak Ayiti anplis Etazini ak Bahamas.
Sepandan Hervé Fourcand li menm konn gen abitid itilize avyon prive l nan depatman sid peyi an pou vann dwòg.

Depatman deta ameriken presize ke 2 Senatè yo gen abitid itilize pozisyon politik yo pou pèmet yo aji lib e libè nan sak gen pou wè ak koripsyon epi trafik dwòg.

N ap raple nan lis moun peyi Kanada te sanksyone yo pou menm dosye dwòg ak koripsyon an te genyen ansyen Prezidan Joseph Michel Martelly, ansyen Premye Minis Laurent Salvador Lamothe ak Jean Henry Ceant, plis aktyèl Senatè depatman Sant lan Rony Celestin ak ansyen senatè depatman Sid lan Hervé Foucand. Sepandan nan lis sanksyon Etazini an, jiska dat se sèlman 2 Senatè preyalableman site yo ki konsène.

Jefferson BONISSANT, Centre à la UNE

Lot atik